Mae ei chymeriadau ,wedi’u tynnu o chwedlau, atgofion a phrofiad byw , yn byw mewn mannau go iawn ac ym myd y freuddwyd, gan ail-lunio’r benywaidd a’r arwriaethol mewn cyd-destun cyfoes. Wedi’i gwreiddio yng ngwlad a’r iaith Gymraeg, mae ei gwaith yn adleisio’n gyffredinol drwy ei archwiliad o drawsffurfio, etifeddiaeth a gwirionedd emosiynol.

Astudiodd Meinir Radd BA ac MA mewn Celf Gain ac mae’n gyn-ddarlithydd yng Ngholeg Celf Caerfyrddin. Mae bellach yn gweithio’n llawn amser o’i stiwdio yng Ngheredigion, Gorllewin Cymru. Ers ei harddangosfa unigol gyntaf Rebel yn 2020, mae ei gwaith wedi cael ei arddangos yn eang ledled Cymru ac yn rhyngwladol gan gynnwys Wales Contemporary yn yr Oriel Arfordir, Oriel Myrddin, Ffin y Parc, RCA Conwy, Oriel Mimosa, Galeri Canfas a Phlas Glyn y Weddw.

Yn 2024 cynhaliodd arddangosfa unigol fawr yn y Palais des Congrès, Loruon, Ffrainc, yn ystod Gŵyl Ryng-Geltaidd Lorient, ac yn fwyaf diweddar bu ganddi gasgliad o bortreadau benywaidd yn y Senedd , Cynulliad Cenedlaethol Cymru, Caerdydd. Mae ei phaentiadau wedi’u cynnwys yng nghasgliad cenedlaethol Llyfrgell Genedlaethol Cymru, ac enillodd Wobr Dewis y Bobl yn Academi Frenhinol Gelfyddydau Cymru.

Mae ei gwaith hefyd wedi’i gynnwys ar raglen S4C Cymry ar Gynfas / Wales on Canvas, lle comisiynwyd hi i baentio’r naturiaethwr a chyflwynydd Iolo Williams, ac mae hi wedi cydweithio â’r bardd a dramodydd enwog Menna Elfyn i ail-ffurfio casgliad o’i cherddi drwy gyfrwng paent.

Fe’i disgrifiwyd gan The Western Mail fel “delweddaeth aml-haenog sy’n tynnu o galon tir ac hanes Cymru”, ac mae gwaith Meinir yn parhau i esblygu , gan ail-lunio ôl-troed y chwedl, y cof, a hanes dynoliaeth ar gyfer byd cyfoes.